Nýtt starfsár í Rótarýklúbbnum Reykjavík-Miðborg hófst 1. júlí 2018. Samtímis tók við ný stjórn klúbbsins. Formaður hennar er Stefán S. Stefánsson. Auk hans sitja í stjórninni Guðrún Ragnarsdóttir viðtakandi forseti (verður forseti starfsárið 2019-2020), Íris Baldursdóttir ritari, Sigrún J. Þórisdóttir stallari, Sævar Kristinsson gjaldkeri og Svanhildur Blöndal fráfarandi forseti (var forseti starfsárið 2017-2018). Táknræn stjórnarskipti fóru fram 28. maí 2018 á síðasta fundi klúbbsins fyrir sumarfrí.

Lesa meira

Fundir falla niður í Rótarýklúbbnum Reykjavík-Miðborg mánudagana 4. júní til og með 13. ágúst 2018 vegna sumarfrís klúbbsins. Næsti fundur verður því mánudaginn 20. ágúst 2018 á hefðbundnum fundarstað klúbbsins á veitingahúsinu Nauthóli við Nauthólsvík.

Rótarýklúbbar um allan heim láta gott af sér leiða með ýmiss konar samfélagsverkefnum. Þetta er kjarninn í rótarýstarfinu. Rótarýklúbburinn Reykjavík-Miðborg er þar engin undantekning. Þann 23. maí 2018 hittust klúbbfélagar í Heiðmörk og góðursettu fjölmargar trjáplöntur. Klúbbfélagar nutu leiðsagnar Gústafs Jarls Viðarssonar, skógfræðings hjá Skógræktarfélagi Reykjavíkur.

Rótarýklúbburinn Reykjavík-Miðborg veitti nýlega styrki til Ljóssins og Umhyggju. Ljósið er sem kunnugt er endurhæfingar- og stuðningsmiðstöð fyrir krabbameinsgreinda og aðstandendur þeirra. Umhyggja er félag langveikra barna. Á myndinni eru Erna Magnúsdóttir, iðjuþjálfi og forstöðumaður Ljóssins og Ragna K. Marinósdóttir, framkvæmdastjóri Umhyggju. Með þeim er Magnús Harðarson, gjaldkeri Rótarýklúbbsins Reykjavík-Miðborg sem afhenti styrkina. Samtals námu styrkirnir tveir 500 þús.kr. Styrkir til samfélagsverkefna endurspegla almenn markmið rótarýhreyfingarinnar sem eru að efla bræðralag og veita þjónustu.

Rótarýklúbburinn Reykjavík-Miðborg heimsótti Deloitte 30. apríl 2018 í höfuðstöðvum félagsins í Kópavogi. Halldór Arason, löggiltur endurskoðandi og stjórnarformaður Deloitte og klúbbfélaginn Davíð Stefán Guðmundsson, framkvæmdastjóri Talenta, dótturfélags Deloitte tóku á móti hópnum. Um 25 klúbbfélagar sóttu fundinn.
Lesa meira