Nýr klúbbfélagi

Þórir Kjartansson, fjárfestir var í dag tekinn í Rótarýklúbbinn Reykjavík-Miðborg. Þórir er fæddur 1969 og ólst upp í Reykjavík. Hann útskrifaðist sem byggingarverkfræðingur frá Háskóla Íslands 1993 og sem MBA úr viðskiptaháskólanum IESE í Barcelona 1996. Eftir nám starfaði Þórir í Þýskalandi hjá Philips en síðar hjá Icelandair og Þórsbrunni á Íslandi.

Þórir stofnaði fjárfestingarfélagið Íslenska fjárfestingu árið 1999 ásamt Arnari Þórissyni. Félagið sérhæfir sig í fjárfestingum á sviði ferðaþjónustu, heilbigðismála og í fasteignum. Undir ferðaþjónustusvið heyrir ferðaskrifstofukeðjan Kilroy Travels International sem rekur 30 ferðaskrifstofur í 5 löndum og er með um 350 starfsmenn. Á heilbrigðissviði rekur félagið hjúkrunarheimilið Sóltún. Félagið hefur einnig stundað fasteignaviðskipti undanfarin ár og á m.a. fasteignafélagið Íslenskar fasteignir ehf.

Þórir sat í stjórn Sjúkrahúsa Reykjavíkur 1997-2000 og í stjórn LSH 2001-2007. Hann sat í nefnd um aðstöðu heilbrigðisstofnana en sú nefnd bar m.a. ábyrgð á byggingu nýs Landspítala við Hringbraut. Hann var formaður byggingarnefndar Kópavogs 2006-2010. Þar að auki hefur Þórir gegnt ýmsum ábyrgðarstörfum.