Tveir nýir klúbbfélagar
Á fundi Rótarýklúbbsins Reykjavík-Miðborg 6. febrúar 2012 voru Árni Stefánsson, framkvæmdastjóri vöru- og rekstrarsviðs N1 og Friðrik Þór Snorrason, forstjóri Reiknistofu bankanna teknir í klúbbinn.
Árni Stefánsson er fæddur 1973. Hann hefur verið framkvæmdastjóri vöru- og rekstrarsviðs N1 síðan 2007. Áður starfaði hann sem markaðsstjóri fyrirtækjasviðs hjá Olíufélaginu (forvera N1) 2002-2004 og sem forstöðumaður markaðs- og rekstrardeildar fyrirtækjasviðs 2004-2006. Hann var vöru- og gæðastjóri hjá Karli K. Karlssyni 1997-2002 og framkvæmdastjóri ÍMARK, félags íslensks markaðsfólks, 1996-1997.
Árni lauk prófi í viðskiptafræði frá Háskóla Íslands 1997 og MBA-prófi frá Háskólanum í Reykjavík 2003.
Árni er í sambúð með Eyrúnu Ósk Guðjónsdóttur hjúkrunarfræðingi og eiga þau synina Bjarna Gunnar þriggja ára, Guðjón Bjarka níu ára og elsti sonur Árna er Stefán Ingi, 16 ára.
Friðrik Þór Snorrason er fæddur 1970. Hann var ráðinn forstjóri Reiknistofu bankanna í febrúar 2011. Hann var framkvæmdastjóri tækni- og rekstrarþjónustufyrirtækisins Skyggnis 2008-2011 (nú partur af Nýherja) og áður framkvæmdastjóri viðskiptaþróunar hjá Nýherja. Friðrik starfaði á árunum 2000-2003 sem forstöðumaður hagdeildar Strax Inc. í Bandaríkjunum. Á árunum 1998-2000 starfaði hann sem stjórnunarráðgjafi hjá Branstock Consulting á Bretlandi. Hann starfaði einnig sem greinandi hjá Economist Intelligence Unit á árunum 1997-1999 og verkefnastjóri í þróunarteymi hjá National Heritage Lottery Fund á árunum 1997-1998.
Friðrik lauk BA-prófi í alþjóðasamskiptum frá University of Wisconsin í Bandaríkjunum 1994 og meistaraprófi í sama fagi frá London School of Economics í Englandi 1996.
Friðrik er kvæntur Guðrúnu Wium Guðbjörnsóttir og eiga þau tvo drengi, Baldvin Orra átta ára og Snorra Má fimm ára.