Nýtt starfsár, ný stjórn

Á stjórnarskiptafundi á Nauthóli 30. júní 2014 voru stjórnarskiptin innsigluð þegar Kristín Guðmundsdóttir, fráfarandi forseti hengdi forsetakeðjuna um háls Jóns Bergmundssonar, nýs forseta.

Í ávarpi sínu á fundinum fór Kristín yfir það helsta í starfsemi klúbbsins á liðnu starfsári. Haldinn var 41 fundur að viðbættum stjórnarskiptafundinum í lok starfsársins. Sex af þessum fundum voru haldnir annars staðar en á Nauthóli, reglulegum fundarstað klúbbsins. Árleg sumarferð klúbbsins var farin dagana 27.-29. júní um nágrenni Kirkjubæjarklausturs.

Þrír nýir félagar voru teknir í klúbbinn á starfsárinu, þau Ari Kristinn Jónsson, Hrefna Sigríður Briem og Íris Baldursdóttir. Þá gengu þær Anna Sigríður Pálsdóttir og Hanna Kristín Guðmundsdóttir til liðs við klúbbinn á ný eftir að hafa hætt fyrir nokkrum árum vegna starfa sinna. Tveir félagar gengu úr klúbbnum á starfsárinu, þá Guðjón Friðriksson og Steinunn Sigurðardóttir. Erna Bryndís Halldórsdóttir lést 17. júní 2013. Í lok starfsársins eru klúbbfélagar 82, 39 karlar og 43 konur. 21 félagi er undir fimmtugu, 18 á milli fimmtugs og sextugs, 36 á milli sextugs og sjötugs og sjö eldri en sjötugt. Meðalaldur klúbbfélaga er 59 ár og meðalklúbbaldur þeirra 12,2 ár.

Á starfsárinu styrkti klúbburinn Umhyggju, Styrktarfélag krabbameinsveikra barna, Bleiku slaufuna og háskólanema til að kaupa sérhæfða tölvu vegna náms auk þess sem klúbburinn lagði fé í Rótarýsjóðinn.

Klúbburinn fóstraði skiptinemann Daria Megdalena Wittwer, 16 ára stúku frá Sviss. Hún bjó megnið af dvalartíma sínum í Garðabæ hjá foreldrum íslensks skiptinema og gekki í Fjölbrautaskóla Garðabæjar. Undir lokin bjó hún hjá klúbbfélaganum Hönnu Maríu Siggeirsdóttur.

Klúbburinn fagnaði 20 ára afmæli 30. maí 2014. Á hátíðarsamkomu rakti Sólveig Pétursdóttir, fyrsti forseti klúbbsins aðdragandann að stofnun hans. Geir H. Haarde, fyrrverandi forsætisráðherra, félagi í Rótarýklúbbi Reykjavíkur og maki eins klúbbfélaga flutti hátíðarræðu.

Hér má finna ávarp Kristínar Guðmundsdóttur á stjórnarskiptafundinum í heild sinni:  Arsskyrsla-2013-2014

Að ávarpi Kristínar loknu fór Esther Guðmundsdóttir, gjaldkeri yfir reikninga félagsins fyrir starfsárið 2013-2014. Voru reikningarnir samþykktir af viðstöddum klúbbfélögum. 

Þá innsiglaði Kristín stjórnarskiptin formlega með því að hengja forsetakeðjuna um háls Jóns Bergmundssonar nýs forseta. Að því búnu sagði hann nokkur orð.