Rótarýdagurinn 27. febrúar 2016
F
jórir rótarýklúbbar í Reykjavík taka höndum saman á rótarýdeginum 27. febrúar 2016 og standa fyrir glæsilegri ráðstefnu í samvinnu við Háskólann í Reykjavík. Þetta eru Rótarýklúbburinn Reykjavík-Austurbær, Rótarýklúbburinn Reykjavík-Miðborg, Rótarýklúbburinn eRótarý-Ísland og Rotary Reykjavík International. Heiti ráðstefnunnar er Fjölmenning á Íslandi: Krydd í íslenskt samfélag? Ráðstefnan verður haldin í sal M101 í HR kl. 9.30-12. Meðal fyrirlesara eru rótarýfélagarnir Vigdís Finnbogadóttir, fyrrverandi forseti Íslands og Ari Kristinn Jónsson, rekstor Háskólans í Reykjavík.
Rótarýhreyfingin á Íslandi stendur fyrir rótarýdeginum. Yfirskrift dagsins er fjölmenning. Áhersla er lögð á að dagskráin höfði til almennings og þá ekki síst þeirra sem flust hafa til landsins hin síðari ár. Einnig verður tækifærið notað til að varpa ljósi á starf rótarýklúbba á Íslandi og hin merku viðfangsefni sem rótarýhreyfingin sinnir á sviði mannúðar- og menningarmála um heim allan. Sjá einnig viðburðarsíðu á Facebook https://www.facebook.com/events/723100624456323/
Dagskráin:
09:30 Kaffi og með því.
10:00 Vigdís Finnbogadóttir: Fjölmenning á stríðsárum.
10:15 Ari K Jónsson, rektor Háskólans í Reykjavík: Fjölmenning, menntun og nýsköpun.
10:30 Fida Abu Libdeh, frumkvöðull og stofnandi Geosilica: Það eina sem við þurfum er tækifæri.
10:45 Kaffi.
11:00 Joanna Marcinkowska, ráðgjafi innflytjenda hjá Reykjavíkurborg: Fjölmenning.
11:15 Juan Castillo sem starfar við fræðslu um fordóma á vegum Rauða krossins: Fordómar.
11:30 Kristín Hjálmtýsdóttir, framkvæmdastjóri Rauða krossins á Íslandi: Fordómalaus framtíð,
11:45 Forsetar fjögurra rótarýklúbba: Hlutverk Rótarý í fjömenningarsamfélagi.
