11.2.2013

Heimsókn til LÍN

Rótarýklúbburinn Reykjavík-Miðborg heimsótti Lánasjóð íslenskra námsmanna 11. febrúar 2013. Heimsóknin var í boði Guðrúnar Ragnarsdóttur, framkvæmdastjóra sjóðsins. Hún er jafnframt félagi í rótarýklúbbnum. Á fundinum flutti Guðrún starfsgreinaerindi og fjallaði um ýmsa áhugaverða þætti í starfsemi sjóðsins. 

Guðrún fór m.a. yfir breytingar á skipulagi sjóðsins, þróun á fjölda starfsmanna, fjölda lántaka á síðasta skólaári, fjölda greiðenda til sjóðsins, fjármál sjóðsins, ýmis atriði í útlánareglum, lista yfir þau tíu lönd sem íslenskir námsmenn hafa sótt mest til og lista yfir tíu vinsælustu námsgreinarnar. Hún sýndi hvernig árlegur fjöldi íslenskra námsmanna erlendis hefur nánast staðið í stað um langt árabil á meðan árlegur heildarfjöldi námsmanna hefur vaxið verulega.