Árleg sumarferð Rótarýklúbbsins Reykjavík-Miðborg var farin dagana 21.-24. júní 2018. Að þessu sinni var farið í Ísafjarðardjúp. Gist var á hótelinu að Reykjanesi en þar var áður héraðsskóli. Gengið var um svæðið þar, Ögur og Ögurvík svo og Snæfjallaströnd. Fyrsta sumaraferðin var farin 1998 þegar Laugavegurinn var genginn. Það var ferðanefnd klúbbsins undir forystu Margrétar Guðmundsdóttur sem skipulagði ferðina. Lára V. Júlíusdóttir sem situr í ferðanefndinni tók saman stutta ferðalýsingu. Auk Margrétar og Láru eru Rannveig Gunnarsdóttir og Þórunn H. Sveinbjörnsdóttir í ferðanefndinni. Alls tóku 24 þátt í ferðinni, klúbbfélagar og makar.