Meðfylgjandi myndir voru teknar við útskrift í Fjölbrautaskólanum í Breiðholti föstudaginn 25. maí sl. þar sem Guðrún Hrefna Guðmundsdóttir, skólameistari, afhenti styrk rótarýklúbbsins Reykjavík-Breiðholt til Daníels Orrasonar, sem útskrifaðist frá rafvirkjabraut. Daníel Orri var formaður nemendafélagsins síðastliðið skólaár og hefur unnið ötullega að félagsmálum á námstíma sínum.

Haustlitaferð Rótarýklúbbsins Reykjavík-Breiðholt sl. laugardag 30. september tókst með miklum ágætum. Farið var austur fyrir Fjall og útsýnis notið í haustsólinni yfir marglitan gróðurinn.

Knútur Óskarsson, umdæmisstjóri, og eiginkona hans Guðný Jónsdóttir voru gestir á fundi klúbbsins 2. október sl. Knútur heimsækir alla rótarýklúbba í landinu nú á haustdögum og gerir rótarýfélögum grein fyrir stefnumálum sínum.

Birgir Jakobsson, landlæknir, var gestur klúbbsins og fyrirlesari á fundi 30. janúar sl. Flutti hann afar fróðlegt erindi um heilbrigðismálin á Íslandi sem eru efst á baugi í þjóðmálaumræðunni um þessar mundir eins og kunnugt er.