Klúbburinn styrkir Gerðubergskórinn
Ingvar Pálsson, klúbbforseti, afhenti kór aldraðra í Gerðubergi ferðastyrk frá klúbbnum að upphæð 100 þúsund krónur við stutta athöfn í Gerðubergi 27. október.
Kórinn hefur nú starfað í aldarfjórðung og fer víða til að koma fram við hin ýmsu tækifæri, m.a. í kirkjum og félagsmiðstöðvum. Styrkurinn kórsins nemur 100 þúsund krónum.
Það stóð yfir söngskemmtun í Gerðubergi þegar gesti úr stjórn klúbbsins bar að garði. Fyrir var hópur úr félagsstarfi eldri borgara á Seltjarnarnesi, sem heimstótti Gerðuberg. Guðrún Jónsdóttir, forstöðumaður félagsstarfs eldri borgara í Gerðubergi, tók á móti gestunum og gerði stutta grein fyrir starfi aldraðra þar. Hún rifjaði upp að stallari Rk Breiðholts Vilhjálmur Þ. Vilhjálmsson hefði á vettvangi borgarmálanna veitt starfinu í Gerðubergi margvíslegan stuðning.
Félagar í kórnum eru að jafnaði um 30 talsins og æfa þeir tvisvar í viku. Einnig starfar hljómsveitin Vinabandið innan vébanda félagsskaparins. Formaður er Jóhanna Sigurðardóttir. Kórstjóri er Kári Friðriksson, tónmenntakennari, og undirleikari hinn góðkunni Árni Ísleifs, píanóleikari og tónskáld.
