Upplýsandi fundur með umdæmisstjóra
Magnús B. Jónsson, umdæmisstjóri, og eiginkona hans Steinunn S. Ingólfsdóttir, heimsóttu klúbbinn á fundi mánudaginn 14. september. Áður en Sigríður K. Ingvarsdóttir, klúbbforseti, setti formlegan klúbbfund sat umdæmisstjóri á rökstólum með stjórn klúbbsins og ræddi áætlanir hennar fyrir starfsárið og árherslur Rotary International og umdæmisins hér á landi.
Í heimsókn sinni rifjaði Magnús upp sögu Rótarýhreyfingarinnar, markmið hennar og grundvallarreglur. Hann lagði áherslu á að íslenskir rótarýfélagar hefðu jafnan í huga að þeir væru hluti af alþjóðlegri hreyfingu sem vinnur að mannúðarmálum víða um heim og er stjórnað í fjölmenningarlegu umhverfi. Vaxtarbroddurinn er nú í Asíulöndum, m.a. Kína. Þá benti Magnús á hið öfluga ungmennastarf Rótarý í Rotaract-kúbbum fyrir ungt fólk á þrítugsaldri og í Interact-klúbbum fyrir ungmenni á framhaldsskólastigi. Í Rotaractklúbbum eru 23.000 félagar víða um lönd. Þessir klúbbar unga fólksins hafa ekki náð að þróast hér á landi eins og erlendis.
K.R. „Ravi“ Ravindran, alþjóðaforseti Rótarý, hefur á stefnuskrá sinni að fjölga rótarýklúbbum og félögum í hreyfingunni. Er þeirri hvatningu beint til Vesturlanda sér í lagi,.JPG "Fundur með umdæmisstjóra 2015")
þar sem samdráttur hefur orðið á síðari árum. Þá hefur alþjóðaforsetinn beint því til klúbbanna að netvæðast í auknum mæli. Taka þyrfti tillit til nýrra, ungra félaga, sem lifa og hrærast í öflugum samskiptum á Internetinu. Magnús umdæmisstjóri sagði það vera brýnt úrlausnarefni hjá Rótarý hér á landi að efla heimasíður umdæmisins og klúbbanna.
.JPG "Fundur með umdæmisstjóra 2015")
Góður rómur var gerður að ræðu umdæmisstjóra, sem í umfjöllun sinni rakti nokkur atriði sem betur mættu fara í starfi Rótarý hér á landi en enn fremur þann glæsilega árangur sem hefur víða náðst í starfi íslensku klúbbanna að einstökum verkefnum í nærsamfélaginu og framlögum til Rótarýsjóðsins, hins alþjóðlega samnefnarar hreyfingarinnar. Verður það ekki rakið nánar hér enda flytur Magnús boðskapinn beint í öllum íslensku klúbbunum þessar vikurnar.
.JPG "Fundur með umdæmisstjóra 2015")
Áður en Magnús vék úr ræðustólnum gafst tækifæri til að bera fram fyrirspurnir úr sal sem umdæmisstjóri svaraði. Að endingu minnti Magnús á umdæmisþingið í Borgarnesi 9. og 10. október næstkomandi. Hvatti hann rótarýfélaga til að fjölmenna á þingið sem haldið verður undir einkunnarorðunum: Menntun, saga, menning. Á fundinum var dreift glæsilegu kynningarriti, sem klúbburinn í Borgarnesi hefur gefið út í tilefni umdæmisþingsins.
Þá minnti Magnús á Rótarýdaginn sem haldinn verður 27. febrúar 2016. Hann sagði Rótarýdaginn 2015 hafa tekist með miklum ágætum og ástæða væri til þess enn á ný að kynna verkefni hreyfingarinnar fyrir almenningi á vettvangi klúbbanna í heimabyggðum þeirra.
Myndin að neðan: Umdæmisstjóri og eiginkona hans ásamt stjónarmönnum í Rkl. Breiðholts..JPG "Fundur með umdæmisstjóra 2015")
Texti og myndir MÖA
