Fundarefni 2007-2008
1. fundur | 9.7.2007 | Bryndís Þórisdóttir | Vistvernd í verki |
2. fundur | 16.7.2007 | Jón Högnason | Viskí fyrir byrjendur |
3. fundur | 13.8.2007 | Vilhjálmur Bjarnason | Þrautir þingræðis á fjármálamarkaði |
4. fundur | 20.8.2007 | Klúbbþing | Starfsáætlun, rekstraráætlun og ferðasaga frá Skotlandi |
5. fundur | 27.8.2007 | Jón Sigurðsson | Starfsgreinarerindi |
6. fundur | 3.9.2007 | Leifur Breiðfjörð | Gerð glerlistaverka í St. Giles, Edinb. og á Grand Hótel Rvk. |
7. fundur | 10.9.2007 | Guðríður Sigurðardóttir | Starfsgreinarerindi í Þjóðmenningarhúsi |
8. fundur | 17.9.2007 | Sigurður Einarsson | Bygging tónlistarhúss í Reykjavík |
9. fundur | 24.9.2007 | Margrét Hallgrímsdóttir | Sýningarnar "Undrabörn" og "Alexander" í Þjóðminjasafninu |
10. fundur | 1.10.2007 | Stefán Thors | Skipulagsmál á Íslandi |
11. fundur | 8.10.2007 | Vigdís Stefánsdóttir | Erfðaráðgjöf; arfgengir sjúkdómar, erfðir og áhætta |
12. fundur | 15.10.2007 | Þórunn Rafnar | Krabbamein - erfðir og umhverfi |
13. fundur | 22.10.2007 | Drífa B. Guðmundsdóttir | Sálfélagsleg áhrif langvinnra veikinda barna á foreldra þeirra |
14. fundur | 29.10.2007 | Klúbbþing | Pétur Bjarnason umdæmisstjóri heimsækir klúbbinn |
15. fundur | 5.11.2007 | Sveinn Runólfsson | Sáðmenn sandanna í 100 ár |
16. fundur | 12.11.2007 | Ólafur Helgi Kjartansson | Rótarýsjóðurinn |
17. fundur | 19.11.2007 | Friðrik Ragnar Jónsson | Framleiðsla á eldsneyti úr koltvísýringi frá verksmiðjum |
18. fundur | 26.11.2007 | Jón Bergmundsson | Starfsgreinarerindi |
19. fundur | 3.12.2007 | Skemmtinefnd | Jólafundur á veitingahúsinu Rauðará (kvöldfundur) |
20. fundur | 10.12.2007 | Sigurður Pálsson | Les úr bók sinni "Minnisbók" |
21. fundur | 17.12.2007 | Þorgrímur Þráinsson | Les úr bók sinni "Hvernig gerirðu konuna þína hamingjusama?" |
22. fundur | 7.1.2008 | Sigríður Snæbjörnsdóttir | Segir frá 12 mánaða starfi sínu í Malaví |
23. fundur | 14.1.2008 | Ingibjörg E. Guðmundsdóttir | Starfsgreinarerindi |
24. fundur | 21.1.2008 | Einar Sigurðsson | Starfsgreinarerindi (Árvakur/Morgunblaðið í Hádegismóum) |
25. fundur | 28.1.2008 | Jafet Ólafsson | Staðan á fjármála- og hlutabréfamörkuðum |
26. fundur | 4.2.2008 | Hjálmar Jónsson og Ólafur G. Einarsson | "Léttar nótur" |
27. fundur | 11.2.2008 | Baldur Sigurðsson | Störf mannanafnanefndar og lög um mannanöfn |
28. fundur | 18.2.2008 | Hanna María Siggeirsdóttir | Starfsgreinarerindi |
29. fundur | 25.2.2008 | Halla Helgadóttir | Æskulýðsnefnd Rótarýumdæmisins á Íslandi |
30. fundur | 3.3.2008 | Þórunn Björnsdóttir | Starfsemi Barnakórs Kársnesskóla |
31. fundur | 10.3.2008 | Guðný Gestsdóttir | Safnið að Gljúfrasteini |
32. fundur | 31.3.2008 | Aðalheiður Héðinsdóttir | Kaffi og starfsemi Kaffi társ |
33. fundur | 7.4.2008 | Hjörleifur Stefánsson | Skipulag og verndun húsa í miðborg Reykjavíkur |
34. fundur | 14.4.2008 | Margrét Frímannsdóttir | Fangelsismál að Litla Hrauni |
35. fundur | 21.4.2008 | Eiríkur Örn Arnarson | Forvarnarverkefnið "Hugarheill" |
36. fundur | 28.4.2008 | Inga Jóna Þórðardóttir | Framkvæmdir við Landspítala háskólasjúkrahús |
37. fundur | 5.5.2008 | Þorsteinn Pálsson | Ísland og Evrópusambandið |
38. fundur | 19.5.2008 | Ólafur Baldursson | Snertifletir læknisfræðinnar við almenning |
39. fundur | 26.5.2008 | Ari Skúlason | Bankamarkaðurinn, staða og framtíðarhorfur |
40. fundur | 2.6.2008 | Sigríður og Kjartan Ragnarsson | Landnámssetrið í Borgarnesi |
41. fundur | 9.6.2008 | Pétur Pétursson | Íkonamyndir austurkirkjunnar |
42. fundur | 23.6.2008 | Klúbbþing | Umræður um málefni klúbbsins |
43. fundur | 30.6.2008 | Ferðanefnd | Fundur á Laugum í Sælingsdal |
Stjórnarskiptafundur 7. júlí 2008 Á fundinum 7. júlí 2008 verða stjórnarskipti. Fráfarandi forseti flytur skýrslu stjórnar vegna starfsársins 2007-2008 og viðtakandi forseti Brynjólfur Helgason og stjórn hans taka við forystu í klúbbnum. Fundurinn hefst kl. 12:10 í Sunnusalnum.
Fundur 30. júní 2008 Að þessu sinni verður fundur haldinn að Laugum í Sælingsdal þar sem gönguhópur klúbbsins dvelur í árlegri ferð sinni. Ekki verður því fundað á Radisson SAS Hótel Sögu þennan dag.
Fundur 23. júní 2008 Klúbbþing verður haldið 23. júní, þar sem félagar ræða um starfsemi klúbbsins, ástand og horfur. Því verður enginn formlegur fyrirlesari þann dag. Mæting er að venju kl. 12:10 í Sunnusalnum.
Frídagur klúbbsins 16. júní 2008 Mánudagurinn 16. júní er frídagur klúbbsins og fellur því fundur niður þann dag. Næsti hefðbundni fundur verðu 23. júní.
Fundur 9. júní 2008 Á fundinn 9. júní kemur Pétur Pétursson og segir okkur frá íkonamyndum austurkirkjunnar. Fundurinn hefst kl. 12:10 í Sunnusal Radisson SAS Hótels Sögu.
Fundur 2. júní 2008 Hjónin Sigríður Margrét Guðmundsdóttir og Kjartan Ragnarsson eru fyrirlesarar dagsins. Þau ætla að kynna Landnámssetrið í Borgarnesi; hugmynd, uppbyggingu, starfsemi og framtíðaráform. Fundurinn er á hefðbundnum stað og tíma.
Fundur 26. maí 2008 Ari Skúlason, forstöðumaður greiningar, upplýsingamiðlunar og samskipta hjá fyrirtækjasviði Landsbankans flytur erindi dagsins. Hann ætlar að fjalla um bankamarkaðinn, hvað fór úrskeiðis, stöðuna í dag og framtíðarhorfur. Fundurinn hefst kl. 12:10 í Sunnusal Radisson SAS Hótels Sögu.
Fundur 19. maí 2008 Á þessum fundi verður fyrirlesari Ólafur Baldursson dr.med., lungnalæknir og aðstoðarmaður framkvæmdastjóri lækninga á LSH. Hann mun fjalla um snertifleti læknisfræðinnar við almenning. Fundurinn verður á hefðbundnum stað og tíma.
Fundur 5. maí 2008 Þorsteinn Pálsson, ritstjóri og fyrrv. ráðherra, er fyrirlesari okkar í þetta sinn og flytur erindi um Evrópumál, en þau málefni eru ofarlega á baugi þessa dagana. Fundur hefst að venju kl. 12:10 í Sunnusal Radisson SAS Hótels Sögu.
Fundur 28. apríl 2008 Aftur fáum við góðan félaga til þess að flytja erindi. Inga Jóna Þórðardóttir segir okkur frá fyrirhuguðum framkvæmdum við Landspítala háskólasjúkrahús. Auk hennar kemur Guðjón Sigurðsson formaður MND-félagsins og heldur stutta kynningu á félaginu og starfsemi þess, auk þess að veita viðtöku minningargjöf frá félögunum um Ólaf Ragnarsson.
Fundur 21. apríl 2008 Eiríkur Örn Arnarson, sálfræðingur og félagi okkar, ætlar að segja okkur frá niðurstöðum rannsóknar sinnar á langtímaárangri forvarnarverkefnisins "Hugarheill", varðandi þróun þunglyndis meðal ungmenna. Eiríkur sagði okkur fyrir nokkrum árum frá undirbúningi verkefnisins og því einkar fróðlegt að heyra um niðurstöðurnar.
Fundur 14. apríl 2008 Margrét Frímannsdóttir, forstöðumaður á Litla Hrauni, segir okkur frá starfi sínu og nýjungum í starfsemi fangelsisins. Margrét tók við starfinu í vetur eftir áralanga þingsetu og verður fróðlegt að heyra um áherslur hennar á þessum vettvangi. Fundur hefst kl. 12:10.
Fundur 7. apríl 2008 Í kjölfar mikillar umræðu um miðborg Reykjavíkur á síðustu mánuðum ætlar Hjörleifur Stefánsson arkitekt að fjalla um skipulagsmál höfuðborgarinnar og þá sérstaklega um verndun og uppbyggingu gamalla húsa. Reiknum með góðri mætingu í Sunnusal kl. 12:10.
Fundur 31. mars 2008 Á fundinn 31. mars kemur Aðalheiður Héðinsdóttir, forstjóri Kaffi társ, og ætlar að fræða okkur um kaffi og segja frá uppbyggingu fyrirtækisins. Mæting er kl. 12:10 í Sunnusalnum.
Fundir falla niður 17. og 24. mars 2008 Mánudaginn 17. mars er "frídagur klúbbsins" og enginn fundur haldinn þann dag og 24. mars er síðan annar í páskum. Næsti fundur verður því mánudaginn 31. mars 2008.
Fundur 10. mars 2008 Guðný Gestsdóttir, forstöðumaður safnsins að Gljúfrasteini, kynnir fyrir okkur starfsemina þar og framtíðaráform um uppbyggingu þess. Húsið er veglegur minnisvarði Nóbelsskáldsins og fjölskyldu hans og aðsókn að safninu hefur aukist ár frá ári, en það var opnað 2005. Fundur hefst stundvíslega kl. 12:10.
Fundur 3. mars 2008 Fyrirlesari dagsins er Þórunn Björnsdóttir, kórstjóri Barnakórs Kársnesskóla. Hún mun segja frá starfi kórsins, en Þórunn hefur hlotið fjölda viðurkenninga fyrir vinnu sína með börnunum í Kópavogi. Að venju hefst fundur kl. 12:10 í Sunnusal Radisson SAS Hótels Sögu.
Fundur 25. febrúar 2008 Halla Helgadóttir Rótarýfélagi og formaður æskulýðsnefndar umdæmisins heldur í dag fyrirlestur um starf nefndarinnar, nemendaskipti, sumarbúðir o.fl. Þá kemur Ólöf Magnúsdóttir á fundinn og segir frá upplifun sinni sem friðarstyrkþegi Rótarý í Ástralíu. Fundur hefst í Sunnusal kl. 12:10.
Fundur 18. febrúar 2008 Á þessum fundi, sem haldinn verður að venju kl. 12:10 í Sunnusal Radisson Hótel Sögu flytur Hanna María Siggeirsdóttir starfsgreinarerindi sitt. Hanna María er lyfjafræðingur og kom í klúbbinn okkar í árslok 2006 en hún hafði áður verið félagi í Rótarýklúbbi Vestmannaeyja.
Fundur 11. febrúar 2008 Baldur Sigurðsson hjá Mannanafnanefnd segir okkur frá starfi nefndarinnar og lögum um mannanöfn. Þetta verður án efa mjög fróðlegur fyrirlestur því nýlegir úrskurðir nefndarinnar hafa verið mikið til umfjöllunar að undanförnu. Fundurinn verður á hefðbundnum stað og tíma.
Fundur 4. febrúar 2008 Þema fundarins 4. febrúar 2008 er "Léttar nótur", sem Séra Hjálmar Jónsson og Ólafur G. Einarsson munu skemmta okkur með. Að þessu sinni verður hádegisverðurinn í léttari kantinum, en ágóða af fundinum verður varið til þess að styrkja Rótarýsjóðinn. Hvetjum við félaga til þess að mæta vel og taka með sér gesti. Fundurinn hefst í Sunnusalnum kl. 12:10.
Stjórn 2008-2009 Eftirtaldir munu skipa stjórn RRM starfsárið 2008-2009: Forseti: Brynjólfur Helgason Viðtakandi forseti: Margrét Guðmundsdóttir Ritari: Þóra Ellen Þórhallsdóttir Gjaldkeri: Páll Ólafsson Stallari: Ingvar J. Karlsson
Fundur 28. janúar 2008 Fyrirlesari dagsins er Jafet Ólafsson, viðskiptafræðingur. Hann ætlar að ræða um stöðuna á fjármála- og hlutabréfamörkuðunum um þessar mundir auk þess að fjalla um hvers er að vænta á þessum vettvangi á næstu vikum og misserum. Fundurinn í Sunnusalnum hefst kl. 12:10. Fundur 21. janúar 2008 - Ath: Breyttur fundartími og staður! Mánudaginn 21. janúar 2008 er félögum boðið í heimsókn til Árvakurs /Morgunblaðsins, þar sem Einar Sigurðsson forstjóri Árvakurs og félagi í RRM flytur starfsgreinarerindi sitt. Einnig gefst félögum tækifæri til þess að skoða húsnæði og aðstöðu fyrirtækisins. Hádegisfundur fellur því niður sama dag. Mæting er kl. 16 í Hádegismóum.
Fundur 14. janúar 2008 Ingibjörg Elsa Guðmundsdóttir flytur okkur starfsgreinarerindi sitt á þessum fundi. Ingibjörg er framkvæmdastjóri Fræðslumiðstöðvar atvinnulífsins, en miðstöðin er samstarfsvettvangur ASÍ og SA um fullorðins- og starfsmenntun á íslenskum vinnumarkaði, og hefur starfað frá árinu 2003. Fundurinn er á hefðbundnum stað og tíma.
Fundur 7. janúar 2008 Á fyrsta fundi nýbyrjaðs árs flytur Sigríður Snæbjörnsdóttir félagi okkar erindi um dvöl sína í Malaví í Afríku. Þau hjónin, Sigríður og Sigurður Guðmundsson störfuðu þar um 12 mánaða skeið á vegum Þróunarsamvinnustofnunar Íslands og komu aftur til landsins í vetrarbyrjun. Við eigum von á góðri mætingu kl. 12:10 í Sunnusalnum.
Síðasti fundur ársins 17. desember 2007 Tvö óvenjuleg viðfangsefni verða tekin fyrir á síðasta fundi ársins. Thomas Möller kynnir okkur bók sína "Eldaðu maður!" í 3 mínútna erindi og síðan les Þorgrímur Þráinsson úr bók sinni "Hvernig gerirðu konuna þína hamingjusama?". Reiknum með því að bæði karlar og konur fjölmenni á fundinn sem án nokkurs vafa verður bæði fróðlegur og skemmtilegur. Fundur verður settur stundvíslega kl. 12:10 í Sunnusalnum.
Fundur 10. desember 2007 Á fundinn kemur Sigurður Pálsson, skáld, og les úr nýútkominni bók sinni. Í bókatíðindum 2007 segir svo um bókina: "Minnisbók segir frá dvöl Sigurðar Pálssonar í Frakklandi á árunum 1967–1982, allt frá því að nítján ára nýstúdent kemur til borgarinnar þar til hann fer heim aftur að námi loknu. Frásagnargleði, einlægni og ljúfsár tilfinning einkenna verkið. Þetta er fyndin og töfrandi lýsing á tíðaranda, aldarspegill mikilla umbrota í vestrænni sögu. Ótalmargar persónur skjóta upp kollinum, þekktar og óþekktar, en allar dregnar skýrum dráttum. " Fundurinn hefst kl. 12:10 í Sunnusalnum á RadissonSAS Hótel Sögu.
Jólafundurinn 3. desember 2007 - kvöldfundur Jólafundur klúbbsins verður haldinn að veitingahúsinu Rauðará kl. 19 mánudaginn 3. desember n.k. Hefðbundinn fundur fellur niður í hádeginu þann dag. Auk glæsilegs jólahlaðborðs mun Hjörleifur Valsson fiðluleikari skemmta gestum og séra Anna Sigríður Pálsdóttir segir okkur jólasögu. Önnur atriði verða á dagskrá sem nánar verður greint frá síðar. Félagar eru hvattir til að fjölmenna og taka með sér gesti; maka, foreldra, börn og vini - enda er desembermánuður tileinkaður fjölskyldunni skv. Rotary International.
Fundur 26. nóvember 2007 Jón Bergmundsson, félagi okkar, mun flytja starfsgreinarerindi sitt á fundinum. Þá verða tveir nýjir félagar verða teknir inn; þær Ingibjörg Elsa Guðmundsdóttir og Þórunn Guðmundsdóttir.
Fundur 19. nóvember 2007 Fyrirlesari dagsins er Friðrik Ragnar Jónsson, flugvélaverkfræðingur og flugmaður. Hann mun fjalla um framleiðslu á eldsneyti (metanól, bensín, dísel) úr koltvísýringi frá stórum verksmiðjum, s.s. álverum. Auk þess verður Valgarður Egilsson með 3 mínútna erindi. Fundurinn hefst kl. 12:10 í Sunnusalnum.
Fundur 12. nóvember 2007 Þema nóvembermánaðar hjá Rotary International er Rótarýsjóðurinn. Af því tilefni verður sérstök kynning á sjóðnum á þessum fundi. Ólafur Helgi Kjartansson sýslumaður á Selfossi, fyrrv. umdæmisstjóri og sérstakur fulltrúi sjóðsins á Íslandi, mun segja frá verkefnum á vegum Rótarýsjóðsins þ.m.t. baráttu á heimsvísu við útrýmingu á lömunarveiki.
Fundur 5. nóvember 2007 Sveinn Runólfsson, landgræðslustjóri, er fyrirlesari dagsins. Hann mun fræða okkur um Landgræðslu ríkisins, en á þessu ári fagnar stofnunin 100 ára afmæli landgræðslustarfs hér á landi. Fundurinn er að venju í Sunnusal á Radisson SAS Hótel Sögu og hefst kl. 12:10.
Fundur 29. október 2007 Umdæmisstjóri Rótarýhreyfingarinnar á Íslandi, Pétur Bjarnason, kemur í heimsókn í klúbbinn. Við fáum að heyra hvað helst er á baugi hjá íslenska umdæminu á þessu starfsári auk þess að fræðast um helstu áherslur Rotary International. Á fundinum verða teknir inn tveir nýjir félagar; þær Karítas Kvaran og Steinunn Sigurðardóttir. Fundur 22. október 2007 Drífa B. Guðmundsdóttir, sálfræðingur, flytur erindi á fundinum og fjallar um sálfélagsleg áhrif langvinnra veikinda barna á foreldra þeirra. Athygli hennar beinist einkum að foreldrum hjartveikra barna, barna með gikt og hóps barna með sjaldgæfari sjúkdóma. Fundur 15. október 2007 "Krabbamein - erfðir og umhverfi", er heiti erindis sem Þórunn Rafnar flytur á fundi okkar í dag, mánudaginn 15. október. Fundurinn hefst að venju kl. 12:10 í Sunnusalnum. Fundur 8. október 2007 Vigdís Stefánsdóttir, erfðaráðgjafi á Landspítala-háskólasjúkrahúsi, flytur erindi um erfðaráðgjöf, þ.e. arfgenga sjúkdóma, erfðir og áhættu, á fundi klúbbsins mánudaginn 8. október 2007. Vigdís er eini erfðaráðgjafi landsins og lauk meistaraprófi í Cardiff á árinu 2006. Fundur 1. október 2007 Mánudaginn 1. október 2007 heldur Stefán Thors, skipulagsstjóri ríkisins, erindi um skipulagsmál á Íslandi. Fundurinn er í Sunnusalnum, Radisson SAS Hótel Sögu, og hefst að venju kl. 12:10. Fundur 24. september 2007 - breyttur fundarstaður Að þessu sinni erum við boðin í Þjóðminjasafn Íslands þar sem félagi okkar, Margrét Hallgrímsdóttir þjóðminjavörður, kynnir okkur sýningu safnsins "Undrabörn", en á henni eru ljósmyndir eftir Mary Ellen Mark. Mæting er kl. 12 og skoðum við sýninguna til kl. 12:30, þegar við fáum okkur léttan hádegisverð á kaffistofu safnsins. Fundur 17. september 2007 Mánudaginn 17. september 2007 kemur Sigurður Einarsson arkitekt á fund hjá Rótarýklúbbnum Reykjavík Miðborg og segir okkur frá byggingu Tónlistarhúss í Reykjavík. Fundurinn hefst stundvíslega kl. 12:10
Fundur 10. september 2007 - breyttur fundartími- og staður Mánudaginn 10. september 2007 verður fundur haldinn kl. 17 í Þjóðmenningarhúsinu. Þar flytur Guðríður Sigurðardóttir, forstöðumaður stofnunarinnar, starfsgreinarerindi sitt. Ennfremur verður leiðsögn um handritasýninguna og Surtseyjarsýninguna. Léttar veitingar og smáréttir verða á boðstólum. Hefðbundinn fundur í hádeginu fellur niður þennan dag.
|
Fundur 3. sepetember 2007 Mánudaginn 3. september flytur Leifur Breiðfjörð erindi um glerlistaverk sín í Dómkirkjunni í Edinborg (St. Giles) og á Grand Hótel í Reykjavík; allt frá hugmyndum til fullskapaðra verka.
Fundur 27. ágúst 2007 Á fundi RRM mánudaginn 27. ágúst 2007 flytur Jón Sigurðsson, starfssgreinarerindi. Fundurinn hefst að venju kl. 12:10 í Sunnusal Radisson SAS Hótel Sögu.
Fundur 20. ágúst 2007 Á fundi RRM mánudaginn 20. ágúst 2007 verður sagt frá ævintýrum gönguhóps klúbbsins í Skotlandi dagana 15.-19. ágúst. Þá verða kynnt helstu markmið stjórnar klúbbsins á starfsárinu 2007-2008 sem og rekstraráætlun fyrir sama tímabil.
|
Fundur 13. ágúst 2007 Fyrsti fundur eftir sumarfrí verður n.k. mánudag, 13. ágúst. Þá mun Vilhjálmur Bjarnason, viðskiptafræðingur, flytja erindi sem hann nefnir "Þrautir þingræðis á fjármálamarkaði" og m.a. fjallar um hlutverk Seðlabanka Íslands. Fundurinn hefst að venju kl. 12:10 í Sunnusal Radisson SAS Hótels Sögu.
|
16. júlí 2007 Rótarýklúbburinn Reykjavík Miðborg er kominn í sumarfrí. Næsti fundur verður haldinn mánudaginn 13. ágúst n.k. á hefðbundnum stað og tíma. Það er þjóðmálanefnd sem útvegar fyrirlesara í ágústmánuði 2007.
|
11. júlí 2007 Á fundinum 16. júlí n.k. mun Jón Högnason, hjartalæknir, flytja erindi sem hann nefnir „Viskí fyrir byrjendur“. Þetta er síðasti fundurinn fyrir sumarfrí og hvetjum við félaga til að mæta vel og taka með sér gesti, ekki síst þá sem ætla í Skotlandsferðina í ágúst. -Oddrún |
9. júlí 2007 Hérna verður tilkynnt um efni á fundum sem og sérstaka atburði á vegum klúbbsins. Að auki má nefna að síðan hefur verið uppfærð með frídögum komandi starfsárs ásamt upplýsingum um stjórn og nefndir. -Oddrún |