Rótarýdagurinn verður haldinn í annað sinn laugardaginn 27. febrúar 2016 og eru allir klúbbar smáir sem stórir hvattir til að taka þátt í deginum.

Lagt er til að þema dagsins verði „Fjölmenning“ í víðu samhengi. Um leið og við vekjum athygli á okkar fjölmenningarsamfélagi vekjum við athygli á starfi Rótarý og höfum einkunnarorð Ravindran, alþjóðaforseta „Verum veröld gefandi að leiðarljósi.

Vörpum ljósi á Rótarý er einkunnarorð heimsforseta, Gary C.K. Huang, fyrir núverandi starfsár Rótarý. Hann hefur hvatt alla rótarýklúbba til að halda Rótarýdag til að varpa ljósi á Rótarý og ekki síður til að vekja áhuga fólks að á taka þátt í starfi Rótarý. Guðbjörg Alfreðsdóttir umdæmisstjóri hefur ákveðið að Rótarýdagurinn á Íslandi verði laugardaginn 28. ferbrúar 2015 og hvetur alla klúbba til að standa fyrir einhverri áberandi uppákomu í sínum byggðalagi þennan dag. Rótarýumdæmið mun sjá um almenna kynningu, leggja til hugmyndir og aðstoða klúbbana eftir megni, en ábyrgðin á framkvæmd dagsins er í hendi hvers klúbbs.