Fréttir frá umdæmisstjóra
Starfsþjónusta er þema októbermánaðar
Margir klúbbanna fara í fyrirtækjaheimsóknir
Þema októbermánaðar er starfsþjónusta og þema nóvembermánaðar er Rótarýsjóðurinn, en umræðuefni hvers mánaðar (þema) er gefið út af Rotary International og gert er ráð fyrir að klúbbar taki mánaðarþemað til umræðu á a.m.k. einum fundi í viðkomandi mánuði.
Við þurfum að hafa það hugfast að Rótarýhreyfingin var stofnuð sem starfsgreinahreyfing og því er mikilvægt að við sinnum kynningu á starfsgreinum og heimsóknum á vinnustaði af bestu getu. Í heimsóknum mínum í klúbbana hef ég komist að raun um að klúbbarnir sinna þessu verkefni vel. Þriggja mínútna erindin eru oft starfstengd og flestir klúbbar fara reglulega í fyrirtækjaheimsóknir.