Móttaka og kynning á endurbyggingu Lækjargötu 2 og Austurstrætis 22
Framkvæmda- og eignasvið Reykjavíkurborgar kynnir uppbyggingu í Lækjargötu og Austurstræti
Lækjargata 2 og Austurstræti 22 eru oft nefnd "Brunareiturinn í Lækjargötu". Borgaryfirvöld ákváðu í framhaldi af eldsvoða að leysa til sín húseignirnar og standa fyrri uppbyggingu í anda liðinna tíma
Framkvæmda- og eignasvið Reykjavíkurborgar bauð félögum í Rótarýklúbbi Rvk. Grafarvogur til móttöku og kynningar á uppbyggingu húseignanna Laugarvegs 2 og Austurstrætis 22 miðvikudaginn 16. mars 2011. Einar H. Jónsson og Ólafur Ólafsson verkefnastjórar á mannvirkjaskrifstofu Framkvæmda- og eignasviðs Reykjavíkurborgar tóku á móti rótarýfélögum. Hjörleifur Stefánsson arkitekt og Þorkell Erlingsson verkfræðingur sögðu frá sögu húsanna og áherslu borgaryfirvalda um að fella húsin að núverandi borgamynd Lækjargötu og Austurstrætis á þeim stað sem sumir telja einn mest áberandi stað miðborgarinnar. Heimsóknin var í alla staði vel heppnuð og vöktu framkvæmdir borgarinnar almennan áhuga hjá rótarýfélögum. / ÓÓ
