Um klúbbinn

Hálendisferð.

Á slóðir heiðargæsa.

Farið var frá N1 planinu á Egilsstöðum kl. 13:00 þ. 5. júní 2016

Farið var frá N1 planinu á Egilsstöðum kl. 13:00 þ. 5. júní 2016 og sameinast í fimm bíla.

Leiðsögumaður var Skarphéðinn Þórisson.

Ekið var inn í Fljótsdal og komið við á Skriðuklaustri þar sem skoðuð var myndlistasýning Péturs Berens félaga okkar og tók hann á móti okkur þar.

Því næst var ekið upp á Fljótsdalsheiði, Áð var á útsýnisstöðum og við vörður Vatnajökulsþjóðgarðs við Laugará.

Skarphéðinn flutti ýmsan sögulegan fróðleik. Síðan var haldið inn að Kárahnjúkum og smá spöl inn með Hálsi, bílar stöðvaðir og gengið áfram um 3 kílómetra.

Veður var gott. Talsvert heiðagæsarvarp er inn með Hálsi og var gæsin nýlega orpin.

Gengið var til baka í bílana og ekið sem leið liggur að Laugarfelli. Þar tók Páll staðarhaldari á móti hópnum og sagði frá staðnum og sýndi húsakynnin. Að lokum var gengið til kvöldverðar á fjallahótelinu Laugarfelli.

Þátttakendur í ferðinni voru 8 rótaryfélagar og 11 gestir.
Frá ritara.