Jólafundur 2011
Heimsókn í Hús Handanna
Þriðjudaginn 20. des heimsóttum við „Hús Handanna“
Rótarýklúbbur Héraðsbúa heldur fund á í hverri viku á þriðjudögum nema ef um einhvern viðburð er að ræða sem er hentugra að hafa um helgi þá er það auglýst sérstaklega.
Þriðjudaginn 20. des heimsóttum við „Hús Handanna“ á Egilsstöðum þar sem félagar og gestir þeirra fengu kynningu á fyrirtækinu.
Hús Handanna er sérverslun og gallerí er leggur höfuðáherslu á að kynna og efla hvers kyns framleiðslu, hönnun, handíðir og listsköpun á Austurlandi. Einnig eru í boði margvíslegar vörur og hönnun frá öðru íslensku handverks- og listafólki. Við val á vörum er lögð áhersla á formfegurð, gæði, frumleika, efnisval og efnistök. Hér má finna varning úr hreindýraskinni, hreindýrahornum og trjáviði sprottnum á Austurlandi. Þegar gestir höfðu skoðað og verslað var komið saman á Hótel Héraði þar sem beið okkar jólahlaðborð að hætti hótelsins.
Lára Vilbergsdóttir kynnir Hús Handanna
Í Húsi Handanna
Forsetaborðið
