Fréttir
Undirbúningur jólafundar í fullum gangi
Jólafundur Rótarýklúbbs Reykjavík Austurbær verður haldinn að kvöldi til 16. desember. Mikill hátíðarblær er venjulega á jólafundi klúbbsins. Félagar og makar mæta prúðbúin í Sunnusal en húsið opnar kl. 18.30.
Nú þegar hafa tæplega 80 manns skráð sig. Boðið verður upp á hefðbundinn jólamat, hangikjöt og rifjasteik.
Skemmtiatriði verða ekki af verra taginu enda í skemmtinefnd einvala lið undir forystu Svanhildar Konráðsdóttur.
Meðal þess sem boðið verður upp á er hugvekja sem félagi í klúbbnum séra Sigurður Arnarsson, prestur í Kársnessókn mun flytja.
Kór Langholtsskirkju, undir stjórn félaga í klúbbnum, Jóns Stefánssonar syngur að venju nokkur lög.
