Tilurð og saga FSU
Gylfi Þorkelsson kennari var gestur á fundi hjá Rótarýklúbb Selfoss þann 18.10.2011. Hann flutti erindið 30 ára saga Fjölbrautarskóla Suðurlands. Skólinn hélt upp á 30 ára afmæli fyrir stuttu. Gylfi sagði frá aðdraganda stofnunar FSU, frá aðstæðum í upphafi, uppbyggingu, helstu áhrifavöldum, velunnurum og stjórnendum. Einnig frá námi, þróun námsbrauta og námsárangri. Síðan svaraði Gylfi fjölmörgum spurningum fundarmanna. Afar áhugavert og fræðandi erindi hjá Gylfa. Annar góður gestur var á fundinum, Lisa að nafni frá Ohio í Bandaríkjunum. Hún dvelur hér á landi sem skiptinemi. Lisa ávarpaði fundinn og Ragnheiður varaforseti afhendi henni fána klúbbsins að gjöf. Við þökkum Gylfa og Lisu fyrir komuna.
