Fréttir
Á reiðhjólum um Selfoss 10.8.2011
Fundur nr. 2 á starfsárinu hjá Rótarýklúbb Selfoss var hjólaferð um Selfoss. Lagt var af stað frá Hótel Selfoss um kl. 19.00. Hjólað um skemmtilega og gróna stíga í suðurhluta bæjarins þar sem há tré og mikill gróður umlukti hópinn.
Þegar komið var í austurhluta Selfoss var áð á gömlum róluvelli. Þar var boðið upp á rauðan Ópal. Ferðin endaði svo heima hjá Ástfríði forseta þar sem boðið var upp á ljúffengar veitingar. 
