Björn Bjarndal Jónsson umdæmisstjóri Rótarý 2013-2014
Á fundi hjá Rótarýklúbb Selfoss þann 15.2.2011. tilkynnti forseti klúbbsins, Magnús Hlynur að félagi okkar Björn Bjarndal Jónsson hefði verið tilnefndur sem umdæmisstjóri Rótarý 2013 til 2014. Þetta er mikill heiður fyrir klúbbinn og fá Björn og kona hans, Jóhanna Róbertsdóttir hamingjuóskir með tilnefninguna. Hér fyrir neðan má sjá tilnefningarbréfið ásamt mynd af Birni í gróðursetningarferð í Laugardælaeyju í ágúst síðastliðinn. 
14. febrúar 2011
Til forseta Rótarýklúbba í umdæmi 1360
Valnefnd Rótarýumdæmisins hefur skilað tillögu sinni um umdæmisstjóraefni fyrir starfsárið 2013-2014 til umdæmisstjóra.
Nefndin hefur einróma komist að þeirri niðurstöðu að leggja til að umdæmisstjóri fyrir starfsárið 2013-2014 verði Björn Bjarndal Jónsson framkvæmdastjóri Suðurlandsskóga og félagi í Rótarýklúbbi Selfoss. Niðurstaðan hefur verið kynnt í umdæmisráði og fengið góðar undirtektir.
Samkvæmt lögum gefst forsetum Rótarýklúbbanna kostur á að koma með athugasemdir við þessa tilnefningu og er frestur til þess til 1. mars n.k.
Með bestu Rótarýkveðjum,
Margrét Friðriksdóttir
Umdæmisstjóri
