Á næstunni hjá eRótarý
Starfsárið er hafið af fullum krafti og efni næstu funda óðum að skýrast. Eins og sjá má er spennandi dagskrá framundan. Fundadagskrá má einnig finna hér á heimasíðu eRótarý.
Fyrirlesari næsta fundar er Davíð Örn Símonarson. Davíð er ungur frumkvöðull og framkvæmdastjóri hugbúnaðar-fyrirtækisins Appollo-X. Hann var valinn einn af topp 30 framkvæmdastjórum Norður Evrópu undir 30 ára aldri af Nordic Business Report fyrr á þessu ári.
Davíð Örn ætlar að segja okkur frá bókinni sem breytti lífi hans.
24. - 27. ágúst - Sprengivika
Þessa vikuna pörum við okkur saman tvö og tvö og mætum á fundi annarra Rótarý klúbba. Yfirlit yfir næstu fundi má finna hér: http://www.rotary.is/rotaryklubbar/nfundur/.
Munið að láta vita og fá skráða mætingu.
3. september kl. 12:00 á SATT
Starfsgreinaerindi frá nýjasta félaga eRótarý, Þóru Þorgilsdóttur.
10. september kl. 12:00 - Heimsókn til Te & Kaffi
Fimmtudaginn 10. september hittumst við hjá Te & Kaffi, Stapahrauni 4, 220 Hafnarfjörður. Þar mun Guðmundur framkvæmdastjóri Te & Kaffi taka á móti okkur ásamt Stefáni framleiðslustjóra og ef tími gefst Sigmundi Dýrfjörð stofnanda Te & Kaffi.
17. september kl. 12:00 á SATT
Fyrirlesari er Elín Sigurveig Sigurðardóttir framkvæmdastjóri Íslenskra Fjallaleiðsögumanna.
