Jón Ragnar Björgvinsson látinn
Útförin fer fram frá Digraneskirkju miðvikudaginn 23. júní kl. 13.00
Félagi okkar í Rótarýklúbbi Kópavogs, Jón Ragnar Björgvinsson, andaðist á Landsspítalanum 11. júní sl. Hann var fæddur á Akureyri 10. ágúst 1934 og ólst þar upp á því tímabili sem bærinn var að taka miklum breytingum vegna iðnaðaruppbyggingar samvinnuhreyfingarinnar, síðari heimsstyrjaldarinnar og breyttra búsetuhátta í firðinum.
Jón var við nám í héraðsskólanum að Laugum í Suður – Þingeyjarsýslu í tvo vetur en hóf síðan nám við Garðyrkjuskólann að Reykjum í Ölfusi en hugur hans stóð frá unga aldri til til þeirra fræða sem þar voru kennd.
Eftir nokkurra ára hlé á námi tók Jón þráðinn upp á nýjan leik og hélt til Danmerkur þar sem hann útskrifaðist sem garðyrkjufræðingur árið 1956.
Hann stofnaði ásamt fleirum Blómahöllina s.f. í Kópavogi árið 1967 og starfrækti það fyrirtæki í áratugi af myndarskap og natni henna grænu fingra sem Jón var gæddur.
Árið 1959 kvæntist Jón eftirlifandi konu sinni Elsu Hildi Óskarsdóttur og eignuðust þau 4 börn.
Jón Ragnar gerðist félagi í Rótarýklúbbi Kópavogs árið 1972, gengdi þar ýmsum trúnaðarstörfum og sótti fundi allt fram á s.l. vor eftir því sem heilsan leyfði, en síðustu mánuði var MND sjúkdómurinn honum mög erfiður.
Blessuð sé minning Jóns Ragnars Björgvinssonar.
