Marel og menning

Á fundi okkar 18. janúar sl.  bauð menningarmálanefnd klúbbsins upp á atriði. Strengjakvintet frá tónlistarskóla Garðabæjar lék tvö verk.  Þetta voru þau Auður, Fjóla Ósk, Jóhanna María, Anna Katrín og Páll Viðar.  Þeim var klappað lof í lófa í lokin.

Fyrirlesari fundarins var Viðar Erlingsson vöruþróunarstjóri hjá Marel.  Hjá Marel eru nú um 4.800 starfsmenn í 30 löndum og þar af um 550 á Íslandi. Markmið Marels er að framleiða gæðamatvæli á sjálfbæran og ódýran hátt.  Marel hefur keypt upp nokkuð af minni fyrirtækjum í svipuðum rekstir og í máli Viðars kom fram  að mikil nýsköpun fælist í þessum kaupum.  Vandi fylgdi hins vegar samruna, ekki síst í samhæfingu vöruþróunar, en Marel stefnir  ávallt að því að vera í fararbroddi á sínu sviði.