Heimsókn á Sjáland

Til fundar dagsins var boðað á okkar venjulega stað í Jötunheimum.  En eftir snögggan snæðing og skjóta yfirferð Atla Gunnarssonar frá BYGG var skundað niður í Sjáland.  Atli kynnti okkur byggingarsvæðið, en framkvæmdum við byggingu íbúðablokka fer nú senn að ljúka.  Sýndi Atli nokkrar íbúðir sem eru í smíðum og sagði frá stefnu BYGG við smíði nýrra íbúða í háum gæðaflokki.  Nokkuð rigndi á okkur eins og sjá má á meðfylgjandi mynd, en vettvangsferðin var engu að síður hins ánægjulegasta í alla staði.