Fréttir
Fyrirtækjaheimsókn
IKEA í Garðabæ heimsótt
Gaman var að heimsækja IKEA í Garðabæ, en Rkl. Görðum var boðið þangað í heimsókn síðdegis á mánudegi. Félagar fjölmenntu eins og vera bar. Stefán Árnason fjármálstjóri tók á móti hópnum og leiddi okkur heldur óvenjulegan hring "baksviðs" um verslunina og sagði frá rekstrinum í þessum stórhýsi sem telur 21 þús. fermetra. Stefán sagði m.a. frá því að engin ein IKEA verslun í veröldinni hefur jafnstóran hluta veltu í veitingasölu. Eigendur IKEA á Íslandi undirbúa opnun nýrra verslunar í Lettlandi. Þegið var höfðinglegt boð IKEA í lokin á þeirra rómaða veitingastað á annarri hæðinni og snæddur var þorramatur.