Mengun og menntun. 

Forseti setti fund og rennt var yfir nokkrar tilkynningar, m.a. um óperuferð, aðventuhátíð og endurútgáfu félagatals. Forval til stjórnar fór fram á fundinum.
Guðrún Pálsdóttir flutti þriggja mínútna erindi og sagði frá MBA-námi sínu í HÍ síðustu misseri. Hún sagði námið ögrandi, hagnýtt og gefandi og gaf því toppeinkunn.

Einar Sveinbjörnsson, veðurfræðingur, fjallaði í fróðlegu erindi um gasmengun frá eldstöðvunum í Holuhrauni, áhrif hinna ýmsu gastegunda og dreifingu þeirra. Hann bar þennan útblástur saman við annan útblástur á Íslandi og annars staðar í heiminum, en þarna fer til dæmis gífurlegt magn af brennisteini út í andrúmsloftið. Mögulegar sviðsmyndir eru margar og óvissa á flestum sviðum eins og t.d. hvað varðar lengd gossins og hvort það færist undir jökul.
Viska dagsins var á sínum stað og að henni lokinni fóru félagar með fjórprófið og forseti sleit fundi.