Óvissuferð
Þriðjudaginn 20. nóvember sl. fóru Borgarar í óvissuferð ásamt mökum sínum. 
Skemmtinefndin hafði veg og vanda að ferðinni og var Lára Ingibjörg Ólafsdóttir í forsvari. 
Stigið var í hópferðabíl á bílastæð MK og var fyrsti áfangastaður Náttúrufræðistofa Kópavogs. 
Þar kynnti forstöðumaður safnsins, Hilmar Malmquist sögu, verkefni og gripi safnsins. 
Þá var þar haldinn hefðbundinn en stuttur fundur í Rótarýklúbbnum Borgum og var þar mættur mikill fjöldi gesta sem voru vitanlega makarnir. Að honum loknum var ekið að Nauthóli og snæddur þar dýrindis kvöldverður og kynnti Baldur Sæmundsson matseðilinn. 
Dagskrá stjórnaði Kjartan Sigurjónsson af snilld þar sem hann blés oft í „rörið“ til að gefa tóninn fyrir fjöldasöng en fyrir þá sem ekki voru á staðnum skal upplýsast að kallaði hann munnhörpuna sína „rör“. Lára Ingibjörg Ólafsdóttir las upp ljóð sem og Bergljót Sveinsdóttir. 
Snorri Konráðsson sagði skemmtisögur eins og honum einum er lagið og Sveinbjörn Sveinbjörnsson sagði góðan brandara af stjórnmálamönnum. 
Allir komu Borgararnir þó aftur og kvöddust saddir og sælir löngu fyrir miðnætti á bílastæði MK.
