Stjórnmál og skáldskapur
Fundurinn sem haldinn var 5. júlí var fyrsti fundur nýrrar stjórnar og var fundurinn í umsjón hennar. Karl Skírnisson greindi frá fundi með Lisu Lützen á ferð sinni um Þýskaland fyrir stuttu. Liza er fyrrum skiptinemi Rotary. Karl las upp bréf frá henni til klúbbsins. Þar kom fram m.a. að Liza hefur gengið í ungliðaklúbb Rotary í Flenzborg. 
Ármann Kr. Ólafsson bæjarstjóri Kópavogs var aðal fyrirlesari dagsins. Ármann rakti ýmis málefni Kópavogsbæjar eins og þau blasa við þessa dagana. Hann kom inn á mörg verkefni bæjarins s.s.verndun gömlu Kópavogshúsanna. Hugmyndir um til hvers húsin verða notuð eru margar. Sjá menn fyrir sér samstarf einkaaðila og bæjarins að þessu verkefni og er stefnt á verklok árið 2015, á 60 ára afmæli Kópavogsbæjar.
Betri Bragur Bæjarstjórnar (BBB) eru markmið sem allir bæjarfulltrúar vilja vinna að.
Þá fjallaði bæjarstjóri um málefni eldri borgara, um nýbygginu íbúða og fækkun tveggja manna herbergja í Sunnuhlíð. Ekki má gleyma hinu metnaðarfulla verkefni að veita aðgengi að Þríhnjúkagíg í landi Kópavogsbæjar.
12. júlí var fundurinn í umsjá skemmtinefndar. Formaður þar er Lára Ingibjörg Ólafsdóttir
Fyrirlesari fundarins var Auður Ava Ólafsdóttir rithöfundur, kennari og listfræðingur. Auður er þekktari erlendis en hér á landi og hafa bækur hennar hafa verið þýddar 20 tungumál, en hún er þekktust í Frakklandi og Spáni.
Hennar aðal starf er kennsla við Háskóla Íslands en hún skrifar í hjáverkum. Hafa komið út þrjár skáldsögur eftir hana og hefur hún einnig skrifað ljóðabók og leikrit. Mun fjórða skáldsagan koma út í haust og heitir Undantekningin - de Poesisa. Sú bók var aðal efni erindis hennar.
Þriggja mínútna erindi „Því gleymi ég aldrei“ hélt Jón Pétursson og sagði frá ferð þegar hann sem barn fór með afa sínum norður í land. Þar var orðanotkunin allt önnur en hann átti að venjast og mörg orðin sem hreinasta útlenska.
