Fréttir
Skundað á Þingvöll
Ferðanefnd stóð fyrir ferðalagi til Þingvalla þann 7. júní sl.
Fundurinn sem haldinn var þann 7. júní var með óhefðbundnu sniði. Fundurinn var í umsjón ferðanefndar sem stóð fyrir rútuferð til Þingvalla. 
Þátttaka var góð og tóku fjölmargir makar þátt í ferðalaginu. Guðbjörg Linda Udengaard leiddi gönguferð og var komið við á fornum aftökustöðum þingstaðarins. 
Síðan var gengið vestur með Þingvallavatni að sumarbústað Guðjóns Magnússonar og Margrétar konu hans. 
Þar var borin fram dýrindis gúllassúpa ættuð úr eldhúsi Eiríks Inga Friðgeirssonar . Ferðin var mjög vel heppnuð og skemmtileg tilbreyting í starfinu.
