Hugmyndir að stofnun Styrktarsjóðs Rótarýklúbbsins Borgir
Til stendur að stofna styrktarsjóð sem ætlað er að veita viðurkenningu fyrir framúrskarandi eða nýstárlegt framtak við skólastarf Menntaskólans í Kópavogi.
Tilgangur sjóðsins verður að veita viðurkenningu fyrir
framúrskarandi eða nýstárlegt framtak við skólastarf í Menntaskólanum í
Kópavogi. Miðað er við að styrkja verkefni í skólanum sem ekki fást fjármögnuð af rekstrarfé skólans.
Stofnfé sjóðsins er afrakstur Rótarýklúbbsins af
Umdæmisþingi Rótarýhreyfingarinnar sem haldið var í Menntaskólanum í Kópavogi á síðasta ári.
Úthlutað verður árlega og tekur stjórn sjóðsins ákvarðanir
um úthlutanir úr sjóðnum í samráði við stjórn Rótarýklúbbsins og skólameistara
Menntaskólans í Kópavogi.
Fyrsta stjórn sjóðsins er skipuð þeim: Eyvindi Albertssyni, Guðrúnu Ólafsdóttur, Haraldi Friðrikssyni og Þóru Þórarinsdóttur.