Spænska veikin
Magnús Gottfreðsson sérfræðingur í smitsjúkdómum við LSH fjallaði um Spænsku veikina 1918 og áhrif hennar á fundi þann 11. ágúst.
Fundurinn sem haldinn var 11. ágúst sl. var í umsjón
starfsþjónustunefndar en formaður nefndarinnar er Guðlaug Rakel
Guðjónsdóttir. Þriggja mínútna erindið flutti Magnús Jóhannsson. Erindið var
bráðsniðugt en þar sagði Magnús frá eftirminnilegri máltíð í fjallaskála. Hann gaf Rótarýfélögum uppskrift súpunnar sem hann snæddi þar ásamt ferðafélögum sínum í aftakaveðri. Meginuppistaða hennar var snjór og innihald úr Toro súpupakka. Aðal erindi dagsins hélt Magnús Gottfreðsson, sérfræðingur í smitsjúkdómum við Landspítala Háskólasjúkrahús.
Magnús lauk námi í læknadeild árið 1991 en sérnámi í lyflækningum og
smitsjúkdómafræði við Duke University í Bandaríkjunum. Fjallaði Magnús um Spænsku veikina og áhrif hennar m.a. á barnshafandi konur en dánartíðni
barnshafandi kvenna var nálægt 37% í Spænsku veikinni. Hann sýndi dreifingu veikinnar á Íslandi og hvernig tókst að einangra stóran hluta landsins. Magnús Gottfreðsson er Rótarýfélagi og sonur Gottfreðs
Árnasonar heiðursfélaga Rótarýklúbbs Borga.
Meðfylgjandi mynd er af þeim feðgum.
