26.5.2011

Heilsuhagfræði

Félagar í Rótarýklúbbnum Borgum tóku daginn snemma að venju 26. maí og mættu til fundar kl. 7,45 í Safnaðarheimili Kópavogskirkju sem ber sama nafn og klúbburinn; Borgir.  Fundurinn var í umsjón dagskrár- og þjóðmálanefndar en Emma Eyþórsdóttir gegnir þar formennsku. 

Fyrirlesari dagsins var Tinna Laufey Ásgeirsdóttir lektor í hagfræði við Háskóla Íslands.  Tinna Laufey lauk doktorsprófi í hagfræði frá University of Miami í Bandaríkjunum og hafði áður lokið BA prófi í sagnfræði frá Háskóla Íslands.  Tinna Laufey gerði grein fyrir fræðilegri skilgreiningu á heilsuhagfræði.  Hún tók dæmi um ákvarðanir vegna bólusetningar fyrir leghálskrabbameini og skýrði út hvernig hagfræðin gagnast við ákvarðanatökuna.  

Margir heilbrigðisstarfsmenn eru félagar í Borgum og var mikið spurt í lok erindis hennar s.s. hvernig skörunin sé milli hagfræðinnar og siðfræðinnar og tengsl listar og heilsu.