Tónlistarhúsið Harpa
Fundur í Rótarýklúbbnum Borgum var haldinn 19. maí. Fundurinn var í umsjón starfsþjónustunefndar. Guðjón Magnússon sagði frá bókinni á náttborðinu, Svava Bernharðsdóttir félagi í Borgum sagði frá starfi sínu með Sinfoníuhljómsveit Íslands og Arna Kristín Einarsdóttir tónleikastjóri sagði frá tónlistarhúsinu Hörpu.
Svava sem lokið hefur DMA gráðu frá The Juilliard School í New York starfar nú sem víóluleikari við Sinfoníuhljómsveit Íslands. Hún hefur starfað við sinfoníuhljómsveitir í Slóveníu, Þýskalandi og Sviss. Hún hefur langan kennsluferil í tónlistarfræðum að baki og einnig hefur hún samið tónverk. Arna Kristín lauk meistaraprófi í menningarstjórnun frá Háskólanum á Bifröst 2007 og starfar sem tónleikastjóri Sinfoníuhljómsveitar Íslands. Starf tónleikastjóra felst meðal annars í að skipuleggja allt tónleikahald hljómsveitarinnar, sjá um samskipti við umboðsskrifstofur og listamenn, skipuleggja tónleikaferðir hljómsveitarinnar og hann er staðgengill framkvæmdastjóra í fjarveru hans. Svava gerði í stuttu máli grein fyrir ferli sínum í tónlistarlífinu og síðan fór hún nokkrum orðum um Hörpu nýtt tónlistarhús í Reykjavík og sagði frá þeim gífurlega aðstöðumun sem starfsfólk Sinfoníuhljómsveitarinnar upplifir í nýju húsi.
Í erindi sínu bar Arna Kristín saman byggingu Hörpu við byggingu tónlistarhúsa úti í heimi og sagði frá flutningi Hallé sinfóníuhljómsveitarinnar í Manchester í nýtt húsnæði 1996 og haustið 2003 hélt Los Angeles Fílharmónían sína fyrstu tónleika í nýju tónlistarhúsi þar í borg sem staðsett er hjarta Los Angeles. Hún sagði m.a. frá skipulagi húss Hörpu og tónleikafyrirkomulagi.
