Eldhugi Kópavogs 2011
Rótarýklúbbur Kópavogs hefur kjörið Þorbjörn Jensson forstöðumann Fjölsmiðjunnar Eldhuga Kópavogs 2011. 
Rótarýklúbbur Kópavogs hefur kjörið Þorbjörn Jensson forstöðumann Fjölsmiðjunnar Eldhuga Kópavogs 2011.
Fjölsmiðjan er í Kópavogi og er sjálfseignarstofnun sem starfrækir verkþjálfunar- og framleiðslusetur. Hún er félagslegt, menntunar- og vinnumarkaðsúrræði fyrir ungt fólk á aldrinum 16-24 ára og er markmið starfseminnar að þroska persónuleika einstaklinganna og búa í haginn fyrir þá til aukins skólanáms eða þátttöku á hinum almenna vinnumarkaði.
Rótarýklúbburinn Borgir hefur tengingu við verkefnið í gegnum félagsmenn: Kristján Guðmundsson var verkefnisstjóri undirbúningsverkefnisins sem vann að hugmyndum um stofnsetningu Fjölsmiðjunnar og sat í stjórn Fjölsmiðjunnar í mörg ár. Margrét Kr. Gunnarsdóttir sat einnig í undirbúningshópi þessum.
Þorbjörn Jensson hefur verið forstöðumaður frá stofnun Fjölsmiðjunnar og í dag eru þar 90 nemar og 10 starfsmenn.
