Efnahagsmál á Íslandi og ársdvöl í Brasilíu
Fundafréttir
Árni Páll Árnason efnahags- og viðskiptaráðherra var gestur fundar sem haldinn var þann 13. janúar sl. Fundurinn var í umsjón stjórnar Rótarýklúbbsins Borga.
Erindi Árna Páls bar nafnið Hvert stefnir. Þar fjallaði Árni Páll um stöðu efnahagsmála í samfélaginu í fortíð, nútíð og framtíð. Sagði hann gríðarlegt verkefni að endurreisa fjármálakerfi landsins en allir legðust á eitt til þess að það tækist. 
Fundur þann 4. febrúar sl. var í umsjón Æskulýðs- og ungmennanefndar. Fríður Halldórsdóttir var gestur fundarins en hún er nýkomin frá ársdvöl í Brasilíu sem skiptinemi á vegum klúbbsins. Hún greindi frá því sem á daga hennar dreif þann tíma sem hún dvaldi hjá þremur fjölskyldum í Brasilíu. Hún sagði einnig á mjög áhrifaríkan hátt frá því hvaða áhrif þessi dvöl hefði haft á þroska hennar og lífsviðhorf. Þakkaði hún Rótarý fyrir þetta tækifæri og bauð fram aðstoð sína ef á þyrfti að halda að undirbúa tilvonandi skiptinema fyrir verkefni það sem bíður þeirra. Fríður er verðandi ritari í stjórn Rótaract klúbbsins Geysi í Kópvogi og Garðabæ. 
