Nýir félagar og hátíð í bæ
Mynd Ragnar Th. Sigurðsson
Hátíðlegt yfirbragð einkenndi jólafund Rótarýklúbbsins Borga sem haldinn var á Þorláksmessu 2010.
Hátíðlegt yfirbragð einkenndi jólafund Rótarýklúbbsins Borga sem haldinn var á Þorláksmessu 2010. Fundurinn var í umsjón Menningarmálanefndar. Að loknum hefðbundnum fundarstörfum voru tveir fyrrverandi félagar teknir inn í klúbbinn að nýju. Það eru þau Ásthildur Bernharðsdóttir og Sverrir Arngrímsson. Kristján forseti bauð þau velkomin og var þeim fagnað með lófataki.
Forseti afhenti umsjónarmönnum veitinga í Safnarðarheimili Kársnessóknar blóm sem þakklætisvott fyrir velunnin störf á sl. ári. 
Síðan var gengið til helgistundar í Kópavogskirkju. Sr. Sigurður Arnarson, sóknarprestur og félagi í Rkl. Rvík Austurbær tók á móti félögum í Kópavogskirkju og flutti jólahugvekju.Kjartan Sigurjónsson lék af list á orgelið og sungnir voru jólasálmar.
Einnig spiluðu átta klarinettleikarar,yngismeyjar úr Skólahljómsveit Kópavogs jólalög við góðar undirtektir.
