Marinó Sveinsson og Hjalteyri Experience

Marinó Sveinsson sagði frá ferðaþjónustuverkefni að Hjalteyri sem nefnist Hjalteyri Experience. Á Hjalteyri er blómlegt listalíf þar sem Verksmiðjan er rekin í gamla mjölhúsinu, þar er hvalaskoðun, fiskþurrkun, þar er rekið lúxushótel, heitur pottur er í fjörunni og þaðan er stunduð köfun í Eyjafirði. Ætlunin er að með Hjalteyri Experience eflist ferðaþjónusta til muna. Á næstu árum er stefnt að því að setja upp upplifun eða sýningu um hafið, opna veitingahús og gjafavöruverslun og samþætta þá þjónustu við hið öfluga líf og upplifun sem þegar er til staðar á svæðinu.