Leirgerður

Vísnagerð í Rótarýklúbbi Akraness

Flutt á jólafundi 21. desember 2005

Vísur eftir Guðmund Guðmundsson um dægurmál haustsins.

Atvinnuréttindi

Grýla rak upp rokna vein

í réttinda-karpinu

er sá hún Kóka-kóla-svein

í Kanasjón-varpinu.

Baugsmálið

Í fyrstu höndin bláa bar

baug á hverjum fingri.

Nú er af sem áður var

eytt skal slíku glingri.

 

Seðlabankinn

 Á degi blýant naga nær

að nóttu þó hann slóri.

Sérstaklega sá er fær

seðlabankastjóri.

 

Í pólitík skal kænn og klár

kappinn svo fram úr skari.

Lágur vexti, liðað hár,

latur að eðlisfari.

 

Flutt á fundi 1. desember 2004.

Guðmundur Guðmundsson kveður um gangnaóða Íslendinga.

 

Jarðgangaóður

 Á Háahnjúk þó leið sé löng

Þið lítið mál það kallið.

En væri ei nær að grafa göng

gegn um Akrafjallið.

 

Flutt á fundi 8. september 2004

í tilefni af fyrirhuguðum vinnufundi við gönguleið upp á Akrafjall.

Andsvar Guðmundar Guðmundssonar formanns afmælisnefndar,

við neikvæðum kveðskap Jóns Péturssonar um brúargerð á Akrafjalli.

 

Rótarýbrúin

 Búið er að byggja brú

Bænda á milli landa.

Rekin saman reist er sú

Rótarý í anda.

 

Fögru verki fögnum nú

Fágæt smíð að vanda.

Það er mætra manna trú

að muni hún lengi standa.

 

Berjadalsárbrúin breið

Bein með útlitsformin mjúk.

Og með henni gerð er greið

gangan upp á Háahnjúk.