Góð þátttaka á Rótarýdaginn.

Góð þáttaka var á Rótarýdaginn sem var haldinn laugardaginn 28. febrúar.  Byrjað var á því að fara í gönguferð um gamla bæinn undir leiðsögn Brynjars Pálssonar fyrrum bóksala á Króknum. Veðrið var með betra móti, en gengið var m.a. um Skógargötu, Lindargötu og Aðalgötuna og fengu gestir að heyra sögur af tilurð gamalla húsa sem og  einstaklinga sem þar bjuggu.   Eftir gönguferðina var farið inn á Kaffi Krók þar sem gestir gátu  fengið  sér kaffi og meðlæti og hlustað á fróðleg erindi. 

Gestur Þorsteinsson og Árni Ragnarsson  ræddu  um sögu Rótarýklúbb Sauðárkrók, en klúbburinn var stofnaður 4. september 1948, og er því að verða 67 ára gamall. Fjölluðu þeir m.a. um þau fjölmörgu verkefni sem klúbburinn hefur staðið fyrir gegnum tíðina en má þar nefna, útsýnisskífan á Nöfum, minnismerki um Fjölnismanninn Konráð Gíslason, jólahlaðborðið og stofnun Golfsklúbbs Sauðárkróks.  Ingvi Hrannar Ómarsson sagði frá kynnum sínum af Rótarý og Rótarýact, en Ingvi fór á sínum tíma til Bandaríkjana sem skiptinemi  á vegum Rótarýklúbbs Sauðárkróks.   Magnús Barðdal upplýsti síðan fundargesti um nýjustu hugmynd rótarýfélaga en hún gengur út á það að fara í miklar endurbætur og uppbyggingu  á útivistarsvæðinu í  Litla Skóg. Þetta yrði gert í samstarf við sveitarfélagið og hugsanlega önnur félagasamtök og verður gaman að sjá framtíðinn ber í skauti sér varðandi þau málefni.