Umdæmisstjóri í heimsókn.

Björn B. Jónsson umdæmisstjóri Rótary á Íslandi kom á fund hjá Rótaryklúbb Sauðárkróks fimmtudaginn 17. október s.l. Í erindi sínu talaði Björn  á almennum nótum um Rótarýhreyfinguna á Íslandi, gildi hennar og markmið sem og fyrir hvað hún stæði. Lagði hann áherslu á hversu mikilvægt hið innra starf klúbbana væri og nauðsynlegt  að hlúa að því í framtíðinni.  Menn þyrftu að vera sýnilegri í samfélaginu og halda áfram að búa þannig um klúbbstarfið að það sé áhugaverður vettvangur fyrir duglegt fólk.