Umdæmisstjóri í heimsókn.
Kristján Haraldsson umdæmisstjóri heimsótti Rótarýklúbb Sauðárkróks
Kristján Haraldsson umdæmisstjóri heimsótti Rótarýklúbb Sauðárkróks þann 18. október s.l. Auk hefðbundinnar dagskrár flutti umdæmisstjóri greinargóða og áhugaverða hugvekju um rótaryhreyfinguna, hugsjónir hennar og verkefni og hvernig félagsskapurinn stulðar að því að gera meðlimi sína að betri manneskjum.
Eins notaði hann tækifærið og veitti Pétri Bjarnasyni rótarýfélaga ársmerki hreyfingarinnar. Forseti klúbbsins, Jóel Kristjánsson, var fjarverandi en varaforseti stýrði fundi og þakkaði umdæmisstjóra heimsóknina til klúbbsins og færði honum að gjöf frá klúbbnum eintak af Sögu Sauðárkróks ásamt fána klúbbsins. Rótarýklúbbur Sauðárkróks óskar Kristjáni Haraldssyni umdæmisstjóra velfarnaðar í starfi og til hamingju með verkefni sitt í þágu Rótaryhreyfingarinnar á Íslandi.
