Fréttir
Við eigum að skoða fæturna á okkur reglulega
Flest fótamein eru áunnin
Fengum fræðslu um líkþorn og inngrónar neglur
Í kvöld komu til okkar Auður Ósk Ingimarsdóttir, fótaaðgerðafræðingur og tanntæknir og Guðbjörg Hafsteinsdóttir, fótaaðgerðafræðingur, sjúkraliði og svæðanuddari.
Þær stöllurnar fræddu okkur fótamein af ýmsu tagi og lögðu áherslu á rétt val af skóm. Flest fótamein eru áunnin og er nauðsynlegt að fylgjast vel með fótunum á sér. Mælt er með því að fara að minnsta kosti einu sinni á ári og láta skoða á sér fæturna. Einnig er mælt með því að nota skó ekki lengur en einn dag í senn þannig að þeir nái að þorna vel á milli notkunar.
Í lok fundar fengum við gefins poka sem innhélt ýmsan fróðleik um fætur og fótaumhirðu ásamt sýnishornum af kremum og smyrslum þannig að við getum gengið betur.
