Stórafmæli stofnfélaga!
Í dag á eini eftirlifandi stofnfélaginn sem enn er í klúbbnum 90 ára afmæli, hann Magnús Stefánsson.
Að þvi tilefni fóru nokkrir félagar til Magnúsar og færðu honum blóm ásamt góðum kveðjum allra klúbbfélaga.
Eins og áður hefur komið fram á þessari síðu hefur Magnús verið einn af burðarásum klúbbsins alla tíð frá stofnun árið 1955.
Líklegt er að ekki séu margir sem eru búnir að mæta á fleiri rótarýfundi en Magnús hefur gert.
Gera má ráð fyrir að þeir geti verið allt að 2.700 – 2.800. 
Magnús hefur alla tíð verið primus mótor í samfélagsstörfum þeim sem klúbburinn hefur sinnt, t.a.m. eru þær ekki ófár stundirnar í kirkjugarðinum sem hann hefur sýslað við ljóskrossana um jól.
Hann mætir enn af og til á fundi og þau hjón Magnús og Helga láta sig aldrei vanta ef eitthvað stendur til.
Magnús með rótarýfélögum í dag.
Á ljósatendrunarstund í kirkjugarði 2016.
Færum við þeim hjónum bestu árnaðaróskir frá klúbbfélögum öllum og auk þess þakka fulltrúarnir sem fóru til þeirra í dag kærlega fyrir góðgjörðirnar og skemmtilega stund. Megi þeim heiðurshjónum heilsast vel.
Afmælisdrengurinn við veisluborðið í dag.
Texti: K.Haraldur Gunnlaugsson, myndir K.Haraldur/Eðvald Magnússon.
