Langur listi verkefna.
Eins og festum er eflaust kunnugt vinna rótarýklúbbar landins og heimsins að ýmsum verkefnum, bæði í nærumhverfinu og verkefnum sem eru lengra í burtu.
Stærsta verkefni rótarýhreyfingarinnar fram að þessu er væntanlega baráttan gegn lömunarveiki, en henni hefur svo gott sem verið útrýmt.
Önnur verkefni eru nær og á vefsíðunni roatary.is má sjá eftirfarandi lista sem forvitnilegt er að renna yfir. Á honum þekkjum við í Ólafsfirði nokkur atriði, en listi þessi er ekki tæmandi heldur eru þar dæmi um verkefni.
Á listanum má sjá að rótarýfólk situr ekki auðum höndum þegar kemur að samfélaginu, en frásögnin af vefnum rotary .is er hér orðrétt:
“Dæmi um verkefni rótarýklúbba
Rótarýklúbbar sinna fjölbreyttum verkefnum hér á landi og erlendis. Sum eru til skamms tíma en önnur til lengri tíma. Hér eru birt dæmi um verkefni sem íslenski rótarýklúbbar hafa verið að sinna.”
· Aðild að hollvinarsamtökum
· Aðkoma að bæjarhátíð ár hvert
· Atvinnugreinakynning og málþing um mikilvæg og aðkallandi verkefni
· Bókagjafir til útskriftanema grunnskóla
· Brúargerð, göngubrúa
· Bygging leikskóla í S-Afríku
· Bæjarbúum boðið á jólahlaðborð
· Gjöf í tækjasjóð hjúkrunarheimilis
· Góðgerðarmál svo sem Konukot og gefum hlýju
· Góðgerðarmál
· Heilsugæsluverkefni í Afríku
· Hreinsunarverkefni í samstarfi við sveitarfélag
· Hvatningarverðlaun til eldhuga í bæjarfélagi
· Landgræðsla
· Lesið fyrir heimilisfólk hjúkrunarheimilis
· Ljósakrossar á leiði í kirkjugarði og jólatré í garðinn
· Málþing
· Merkingar gönguleiða
· Móttaka skiptinema
· Nemendaverðlaun
· Skipulagðar heimsóknir í aðra klúbba.
· Skógrækt
· Starfskynning ungmenna í 10. bekk
· Stígagerð
· Stuðningur við björgunarfélög
· Stuðningur við börn með sérþarfir.
· Stuðningur við eldri borgara og elliheimili
· Stuðningur við endurhæfingardeild ungs fólks með geðrof
· Stuðningur við Mæðrastyrksnefnd fyrir hver jól
· Stuðningur við tónlistarskóla
· Stuðningur við verndaðan vinnustað
· Styrkir til líknarmála
· Styrktartónleikar
· Styrkur til fjölskylduhjálpar kirkjunnar
· Styrkur til kórs eldri borgara
· Styrkur til skákíþróttar í grunnskóla
· Styrkur til sundmót
· Styrkur til útskriftarnema
· Umsjón með vatnspósti
· Unglingamót í golfi
· Uppsetning og rekstur klukku á áberandi stað í bænum
· Uppsetning útsýnisskífu og viðhald
· Varðveisla varða á gamalli þjóðleið
· Verndari Krabbameinsfélags
· Verndun minja
· Viðhald á skíðastökkpalli
· Viðhald og merking gamalla gönguleiða
· Viðurkenning fyrir góðan námsárangur
· Þjóðhátíðarsjóður
· Örnefna merking
Þarna hefur rótarýfólk í Ólafsfirði lokið við að ganga frá leiðiskrossum í kirkjugarðinum, auk þess að hafa sett upp jólatré og sett ljósaseríuna á það.
