Fróðlegt erindi á fundi 15.desember 2016.
2.997-undi fundur Rótarýklúbbs Ólafsfjarðar var haldinn í gærkvöldi 15. desember og var dagskrá í höndum Klúbbnefndar. Hún hafði fengið til liðs við sig Björn Valdimarsson, sölustjóra Ramma hf. En eins og flestir þekkja er Rammi hf. stórt sjávarútvegsfyrirtæki sem er með starfsemi á Ólafsfirði, Siglufirði og í Þorlákshöfn. Framleiðsla fyrirtækisins er humar í Þorlákshöfn, rækja á Siglufirði og svo eru gerðir út tveir frystitogarar.
Björn einskorðaði erindi sitt við sjófrystan þorsk og sagði frá: Breska Fish and chips-markaðnum, samstarfsaðilum í sölu, markaðssetnigu, ásamt ýmsu fleiru. 
Þá sagði hann frá þeim breytingum sem verða þegar nýr frystitogari – Sólberg ÓF 1, sem er í smíðum í Tyrklandi kemur í útgerð á fyrri hluta næsta árs.. Mjög fróðlegt myndskreytt erindi hjá Birni, sem var að sjálfsögðu mjög vel tekið.
Fundurinn var að öðru leiti hefðbundinn og á meðfylgjandi myndum má sjá: Valdimar Steingrímsson flytja kvæði kvöldsins, sem honum tókst vel upp með. Aðrar myndir frá afurðakynningu Ramma hf.. í Bretlandi..
Myndir og texti:K.Haraldur Gunnlaugsson
