Fréttir
Síðasta ferðin
Siðasta ferðin er yfirskriftin á erindi Elínar Hirst fréttamanns á fundi Rótaryklúbss Grafarvogs næsta miðvikudag, 12.11. Þeir rótarýfélagar sem vilja koma og hlusta á Elínu geta haft samband við ritara klúbbsins og látið vita af sér.
Í erindinu fjallar Elín um heimildamynd um vesturfarana sem hún er með í smíðum og stendur til að frumsýna um jólin.
Nafnið er dregið af þeim tregafullu tilfinningum sem bærðust í brjósti margra ferðalanga þegar þeir horfðu á Íslandsstrendur hverfa í blámann og vissu að þeir myndu aldrei aftur líta heimalandið. Áhugavert efnið sem á erindi við okkur ekki síður á þessum tímum en fyrir rúmri öld þegar fjöldi fólks flúði heimalandið vegna ömurlegs efnahags og náttúruhörmunga.