Opið fyrir skráningu í golfmót Rótarý 2008
Búið er að opna fyrir skráningu í golfmót Rótarý 2008. Skráning í mótið fer fram á golf.is eða hjá Golfklúbbi Keilis í síma 555-3360. Rótarýfélagar eru hvattir til að skrá sig sem fyrst í mótið.
Hið árlega golfmót rótarýklúbba á Íslandi verður að þessu sinni í umsjá Rótarýklúbbs Hafnarfjarðar. Mótið verður haldið á Keilisvellinum í Hafnarfirði, föstudaginn 18. júlí.
Keppt verður í punktakeppni með forgjöf hjá einstaklingum og sveitum. Þar að auki verður keppt um besta skor (brutto) einstaklinga og næst holu á öllum par 3 brautum.
Makar rótarýfélaga eru velkomnir og hafa þeir möguleika á að keppa til allra verðlauna utan sveitarkeppninnar, en þar telja tveir bestu rótarýfélagar frá hverjum klúbbi.
Boðið verður upp á morgunverð og er mælst til þess að félagar mæti eigi síðar en kl. 9. Golfleikurinn hefst stundvíslega kl. 10.00 og verður ræst út samtímis á öllum teigum. Röðun á teiga, keppnisfyrirkomulag, staðarreglur o.fl. verður greint frá undir morgunverðinum.
Að móti loknu verður verðlaunaafhending og léttur málsverður, sem er innifalinn í verðinu. Þá verður jafnfram dregið úr skorkortum og næsti klúbbur valinn til að halda mótið 2009.
Þátttökugjald er kr. 4.200 á mann.
Rótarýklúbbar eru beðnir um að upplýsa rótarýfélaga um mótið og hvetja til góðrar Þátttöku.
Nánari upplýsingar veita:
J. Pálmi Hinriksson, gsm. 863-6083, netfang: palmih@siminn.is
Guðmundur Friðrik Sigurðsson, gsm. 696-0202, netfang: g.fridrik@is.eurorefund.com
Sigurður Þorleifsson, gsm. 892-5652, tsth@simnet.is