Stofnandi Rótarýklúbbs Rangæinga heiðraður
Ólafur Ólafsson stofnaði rótarýklúbb Rangæinga árið 1966 og hefur verið virkasti félaginn í klúbbnum frá upphafi og er það enn. Rkl. Rangæinga heiðraði Ólaf þegar hann fagnaði 90 ára afmæli sínu nýlega.
Ólafur stofnaði klúbbinn nánast einhendis og hefur leitt félaga klúbbsins í 48 ár með eldmóði sínum og þekkingu á málefnum Rótarý. Klúbbfélagar segja Ólaf sannan Rótarýmann og hefur hann margsinnis gegnt öllum störfum í klúbbnum. 
Ólafur er oft nefndur “herra rótarý” af félögum sínum. Hann hefur verið rótarýfélagi í 54 ár, eða frá árinu 1960.
Þann 5. maí sl. fagnaði Ólafur 90 ára afmæli sínu. Af því tilefni heimsótti Björn Bjarndal Jónsson umdæmisstjóri klúbbinn og þakkaði Ólafi fyrir störf hans í þágu rótarýhreyfingarinnar og afhenti honum trjáplöntu að gjöf. Á afmælinu færðu klúbbfélagar Ólafi ávaxtatré og stuðlabergsstein með eftirfarandi áletrun: “Ólafur Ólafsson. Stofnandi Rótarýklúbbs Rangæinga. Þökkum þína forystu. Klúbbfélagar. 5. maí 2014”. Steinninn og ávaxtatrén voru sett á sinn stað á rótarýlundi í landareign Ólafs í Syðstu Mörk undir Eyjafjöllum þann 5. júní sl. Meðfylgjandi myndir eru frá afhendingu gjafanna.