Umdæmisþing Rótarý 2014 – Vörpum ljósi á Rótarý
Umdæmisþing Rótarý verður að þessu sinni haldið í Garðabæ föstudaginn 10. og laugardaginn 11. október n.k. „Það er okkur félögunum í Rótarýklúbbnum Görðum í Garðabæ sannur heiður að bjóða þig og maka þinn hjartanlega velkominn á þingið og vonum að þú eigir eftir að upplifa bæði fróðlega og skemmtilega daga í Garðabæ,“ segir Páll Hilmarsson, formaður aðalskipulagsnefndar mótsins.
Þingið verður sett í Vídalínskirkju föstudaginn 10. október kl. 15.00 með hefðbundinni dagskrá.Í kjölfarið verður síðan haldinn hátíðar Rótarýfundur hjá Rótarýklúbbnum Görðum í safnaðarheimili kirkjunnar.
Laugardaginn 11. október verður þinginu framhaldið í Fjölbrautarskólanum í Garðabæ. Þar verða aðalfundarstörf auk fræðandi fyrirlestra sem Rótarýfélagar og fleiri flytja. Einnig verður boðið uppá vinnustofur fyrir forseta, ritara og gjaldkera líkt og gert var á síðasta þingi og gafst afar vel. Að auki verða ýmis listræn atriði þinggestum til skemmtunar.
Þá verður sú ánægjulega nýjung að Inner Wheel verður með sitt umdæmisþing sama dag og á sama stað. Umdæmisþingi Rótarý og Inner Wheel lýkur síðan með hátíðarkvöldverði á laugardagskvöldinu í Fjölbrautarskólanum.
Að venju koma erlendir gestir á þingið og eigum við von á fulltrúa frá Rotary International og fulltrúa frá Norðurlöndum sem að þessu sinni kemur frá Svíþjóð.
„Við vonum að sem flestir Rótarýfélagar á landinu mæti á þingið sem verður fræðandi og skemmtilegt að vanda.
Skráning hefst á netinu síðar í þessum mánuði. Gerður hefur verið samningur við Grand Hótel varðandi gistingu þinghelgina og verða þátttakendur að nefna Rótarý við pöntun til að fá samningsverðið.
Við félagar ykkar í Rótarýklúbbnum Görðum sem höfum unnið að undirbúningi þingsins hlökkum mikið til að sjá ykkur í Garðabænum.“
Með Rótarýkveðju
Páll Hilmarsson
Formaður aðalskipulagsnefndar