Fréttir
Rótarýmessa 17. júní
Rótarýmessa 17. júní í tilefni þjóðhátíðarinnar verður haldin í Seltjarnarneskirkju kl. 11 f.h., og eru Rótarýfélagar allra klúbba velkomnir ásamt fjölskyldu og vinum.
Nokkrir Rótarýfélagar taka virkan þátt í guðsþjónustuhaldinu m.a. flytur Jón Hákon Magnússon fv. umdæmisstjóri hugleiðingu og annar félagi Rótarý í gegnum tíðina, sr. Bjarni Þór Bjarnason sóknarprestur, þjónar fyrir altari. Vandað er til allrar dagskrárinnar og á eftir er kirkjukaffi í safnaðarheimilinu í boði Rótarýklúbbs Seltjarnarness sem eins og áður hefur annast undirbúning.
Dagskrá
- Séra Bjarni Þór Bjarnason sóknarprestur og Rótarýfélagi þjónar fyrir altari.
- Erla Þórisdóttir nýstúdent annast ritningarlestra.
- Jón Hákon Magnússon fv. umdæmisstjóri Rótarý á Íslandi flytur hugvekju.
- Margrét Helga Jóhannsdóttir fv. bæjarlistamaður les ljóðið „Talað við ungt fólk“ eftir Guðmund Böðvarsson.
- Bjarni Thor Kristinsson óperusöngvari syngur „Friðarins guð“ eftir Árna Thorsteinson.
- Friðrik Vignir Stefánsson organisti og tónlistarstjóri ásamt félögum úr Kammerkór Seltjarnarness annast tónlistarflutning.
- Kirkjukaffi í safnaðarheimilinu að lokinni athöfn í boði Rótarýklúbbsins.
Fjölmennum!